بسم الله الرحمن الرحيم
هذي الرواية تعتبر اول رواية لي اتتمنى انها تحوز على رضاكم واستحسانكم بعد رضى الله سبحانه وتعالى
ولاتحرمني من نقدكم وتعليقكم حتى استمر واكملها لكم باذن الله
مقدمة/
ابطال رواياتي اشخاص طيبو القلب انقياء الفطرة الابتسامة لا تكاد تفارق شفاتهم لاتؤثر عليهم الكلمات الجارحة والالفاظ البذيئة بل تزيد في عزمهم واصرارهم في تحقيق مايصبون اليه غاية منالهم رضا الله والجنة
بالبسمة والكلمة الطيبة والمرح يمثلون قول النبي عليه الصلاة والسلام (تبسمك في وجهه اخيك صدقة) ولكن بحدود
البداية0000
يامرحبابكم عدد ماطار تمساح00000000000او عدد ماتنقش سنون نعامة
اوعددمايزعل على الموز تفاح0000000000وعددقشرفي بعيرو سنامه
أودب أمعط لابغى يطيرماطاح0000000000الا بجرف بعيد ولاعدامه
و الا خروف دايم الدوم نواح00000000000ضيع ثغاه وجاب صوت الحمامة
على عشير كن زوله لاراح00000000000كنغر وشكله مايعرف الوسامة
ماشافني وانا مع السوق رواح000000000صد وتركني بين شبه وعلامة
(يقالي افهم بالشعر)
احم احم نحن الان في نهاية فصل الخريف وبداية فصل الشتاء يعني الجو معتدل ومنعش في احد اهم مدن الشرقية الخبر وبالتحديد على شاطئ البحر جلست هند وهدى وريم ودلال ورشا جلسة مافيه احلى منها كيف لا وهم محضرين لها من زمان وجايبيين الشاي والقهوة والمعجنات والحلويات والحب عشان تكمل وبدون علم من اهاليهم _اول مرة يسووها_ وطاقينها ضحك ووناسة وهبل
هند:يابنات شوفو شوفو_بمعنى انظروا_ذاك ياربي رباه محلاه
رشا:اقول بسك عاد قز فيهم اول مرة بحياتي اشوف بنت تقز شباب العادة العكسس هههههههههههههههههههههههه
هند:شسوي عاد اه اه والا شوفي ذاك ياقلبي اه اه مقدر استحمل ايش هالحلى لا لااليوم الله يستر علي
والبنات ضحك عليها
هدى ورشا:لاه انتي عاد حالتك بجد صعبة يبغالك طبيب نفسي
هند:اذا كان حلو زييهم ليه لا
هنا البنات فقعو ضحك عليها هي تستهبل وماسكة على قلبها
(هند بنت متوسطة الجمال يعني البشرة حنطي والعيون بني غامق والشعر كيرلي صابغته بالغلط اصفر بدل العسلي صايرة على قول الشاعر كانه جبل في راسه ناربس اشوى انه خصل اكثر شئ يميزها روحها المرحة وضحكتها اللي تخليك تضحك غصب مع انها حسساسة شوي صديقاتها المقربين لها مرة هدى ورشا هم اختين بس ماشاء الله عليهم جمال واخلاق خصوصا هدى اللهم بارك رموشها طويلة وشعرها ناعم واسود وجسمها ملفوف هند حاطتها في بالها تخطبه لاخوها بسس خلوها مع الاحداث
ورشا بعد ماشاء الله عليها مملوحة البشرة برونز والشعر الي نهاية الظهر واخلاق قمة وماتزعل بسرعة وحكيمة)
المووووهم وهم جالسين الا بثلاث شباب جايين ناحيتهم اجسامهم رياضية حييل والاخات على جلستهم وضحكهم وهند معطيتهم ظهرها وماتدري عن اللي جاييين وفجأة000000000000ايش تتوقعون صار لهم
موضوع: فتيات وسط الزحام رواية فكاهية رمانسية 
الثلاثاء سبتمبر 29, 2009 5:15 pm
